屋苑的工作

除了要跟進前主席的手尾，

各委員已經快馬加鞭去跟進屋苑的情況。

感謝管理公司的安排，

1。停車場的照明已回復超過90﹪

2。屋苑的戶外電燈已回復舊觀，亦已進出維修及更換。（某些燈罩尚未能訂到，己加緊進行）

3。某些地方的地磚，已作出維修。

4。遊樂設施地蓆，亦已跟進維修。

5。垃圾房的捲閘，因颱風時損毁，亦已作出安排維修。

6。車場消防系統，亦已落實承辦商，進行更換重裝。

屋苑設施實在太多問題，重要的有：

1。各座的食水泵，醎水泵，有部份已損壞，同時，喉管已經嚴重銹蝕。

2。最新發現， 一座二座山邊斜坡，出現大裂痕。目前未知成因， 會先找專業部門調查。

這兩點， 會是目前重點的項目。

法團律師向馬海回信

對於大維修，顧問的責任，監管，同前主席的奇怪簽署文件，

我地有好多疑問。

我地委托律師，向顧問公司尋求好多解釋。

鬍鬚仔將呢封信先公開俾大家睇。

法團律師致馬海良棟的信件

法團戶口凍結的因由。。。。。

係九月份， 我地屋苑的銀行戶口， 中國銀行戶口， 一直都未能更改簽名。

得到大家的諒解， 大家同意將管理費存入佳定， 以應付屋苑的各項開支。

於十月份， 戶口終於解封並轉名， 現在屋苑的財務狀況已經回復正常。

係呢件事上， 其實鬍鬚仔有好多疑問。

1。我地係一個屯門的屋苑， 開戶銀行， 既然要去到美孚， 去到美孚不特止， 開戶行仲要係美孚街市樓上的一間公行， 連鬍鬚仔去搵都搵咗唔少時間的一間分行。之前主席一定要去呢間分行度開戶口， 而所有屋苑的儲備， 定期都一定要係呢間分行做。我有懷疑點解。

2。負責接待我地的客戶服務經理， 以李淑玲話我地屋苑有官司要審理， 所以未有結果前， 要保障客戶， （即係海景花園的業主們啦）， 所以要凍結戶口。

我查問， 佢的上司係邊位， 我要同佢傾，佢支吾以對， 我要求馬上立刻取消戶口， 我地而家需要將戶口轉往其他銀行， 要求佢提出我地需要俾乜嘢文件佢（咁我地唔係佢客戶， 佢唔需要保障我地啦）， 佢又唔肯。

所以， 我好相信， 前主席等人， 仲係好清楚知道我地的財務狀況， 甚至一個電話就可以遙遠控制。

3。基本上， 銀行未轉名， 根本無人可以動用到呢筆錢， 但李淑玲， 符偉樂出晒信咁去要求凍結戶口， 結果， 法團的電費一向由自動轉帳繳交， 都交唔到。如果發現得晚， 突然被CUT電， 就會做成錯覺， 現屆法團好唔掂， 引起居民的不滿。

4。在帳戶回覆正常後， 鬍鬚仔要求銀行將李淑玲等信件俾番我地睇， 中國銀行就回番以下文件。

染淑玲， 陳力華及符偉樂要求凍結戶口要求

呢封信， 無論式樣， 盖章， 甚至簽署人， （即符偉樂）， 佢係銀行法團戶口係無印鑑的， 銀行竟然會受理呢封信而作出凍結戶口的安排？？

熟悉銀行操作的居民， 相信都知道呢單嘢一定有手尾跟。

鬍鬚仔嘗試搵一些簡單的資訊， 等大家可以諗下點解鬍鬚仔咁講。

銀行無權凍結戶口

呢壇嘢， 我會嘈到上銀行公會， 金管局。真相好快就會出來。