有關屋苑問卷調查及業主大會

屋苑已經出咗問卷調查， 希望各位憑自己所見，個人的感覺， 到底對今次維修工程滿唔滿意， 有無工程的手工問題，希望要求「輝煌」執漏。

如果你有任何因為維修反而成為「苦主」， 係自己屋企範圍見到喉釘， 棚釘，新做的外牆發現裂紋， 請你係問卷上填清楚。

＊＊＊＊＊

關於室外電梯




係上一次的諮詢會，我地問咗顧問「郭浩」好多次， 除咗屋宇署申請， 請問仲有無其他政府部門需要提出申請？ 而呢D部門係咪已經覆晒我地話興建室外電梯可行。

顧問實牙實齒話無問題， 又話有齊晒所有文件。

本人，以及管理公司， 分別出咗電郵俾顧問， 要求提供文件。

但直到今天， 都未有回覆。

點解鬍執著一定要睇呢D文件？？

因為， 如果我地未得到所有政府部門肯首，或批準， 自己私自去簽承辦商的合約，
就會好似港視咁，

合約簽咗但政府唔批，對唔住， 我地就要俾晒所有錢俾承辦商。



唓，屋宇署批得， 地政署梗係無問題啦。。。

我可以參考的資料唔多， 只搵到一份黃大仙區議會的報告，

一個居屋， 想「更換」屋苑內的保守亭，屋苑亦有足夠地積比去興建。（好過我地）

屋苑署批準， 但結果地政署唔批而令到工程擱置。

（如果換轉係海景， SORRY， 咁就要俾錢承辦商請佢地離開）

電梯起唔成，但錢就駛晒。



希望大家明白鬍鬚仔點解要咁堅持， 鬍鬚仔只係認為， 一萬次的小心都不嫌多。

係亞公的問題上，作為管委會，鬍鬚仔係以亞公的利益放係最大考慮。因為， 街坊選我地出來， 係要「小心地」為大家服務。




＊＊＊＊＊＊＊＊＊＊＊＊＊＊＊＊＊＊＊＊＊


大維修的合約及戶外電梯的文件， 都已經張貼係法團辦公室的門外，希望有助大家對填寫問卷同業主大會投票有資料性的參考。