大家成日見到, 主席開會, 會全部揀私人地方,
包括黎先生大宅, 黃金海岸會所,
既無通知所有委員及秘書. (雖然佢會議議程有寫致全體委員)
又唔俾各位業主出席討論.
無人會話你開會"唔合法", 因為, 莫講話"內務會", 就算你開"火鍋會", "大食會", 全部都係"合法"
分別係, 你呢個係私人地方開的會, 無通知委員秘書, 即使委員秘書甚至業主想出席都摸其門而不入的會議, 所得出來的議決, 有無"執行力"呢??
主席同委員做咗起碼年幾, 之前係海景花園會議室, 每個月都有開常務會, 但至從二月四日開完之後, 無再開過, 突然轉晒模式,
企圖繞過正式的管委會常務會議的味道甚濃.
作為秘書, 就呢個會務問題, 我當然會向法團律師請求法律意見, 照計, 法團律師係有責任同義務要令到我地會務合法, 否則, 我地俾錢佢來做乜?? 大家認為係唔係??
五月九日, 我地又召開之前一向咁樣開的管委會常務會議, 法團主席及四位委員一向都無出席, 我又諗唔明何解又要繼續係五月十三日召開一個唔俾人參加的內務會.....
我諗大家都好想知, 我亦要求法團律師係五月十一日13:00前回覆. 全文如下:
秘書致鍾沛林律師行有關會務的法律意見
法團律師的合約, 於2013年5月31日到期, 照計, 就算去到最後一日, 佢地都會有專業精神去為我地屋苑及法團服務.
待律師回覆, 鬍鬚仔先會再決定行動.
我以為我住黃金海岸!
回覆刪除其實主席對大家好好，主席只係將屋苑升格至黃金海岸水平，直情係大眔福利，我地第日去黃金會所，行入去就得，如保安唔比，你就話我地業主立案法團都係到開例業主內務會議，無論幾急都係度開，咁我地就多得我地主席恩惠，就成為業主啦，咁點解唔用得。
回覆刪除仲有第日大家賣樓，你地唔洗話賣海景，你話賣黃金海岸，當然我地樓價就升到同黃金海岸一樣啦，如有差價出入，主席自然就發通告同大家講佢又急，又付出好多寶貴青春又係乜生屋企或者黃金海岸又開咗個好急內務會議，又通過咗用法團D錢保比你，嘩你話幾正。我地法團仲有千幾萬，我估大約夠5個單位only。大家都知啦我地主席同4位委員真係出心出血做我地法團㗎。
總知，此等小事大家安坐家中不聞不問就得，衛大的主席會攪掂，大家唔洗慌，因為主席唔掂有隱形委員幫忙，主席又有嗰位唔知邊到走嚟話義務幫主席處理[業主]立案法團。
雖然做到咁，你地又唔好2、3點走去4座lock門多謝我地主席，主席係偉大的領袖，平時都有2道彩虹係天空出現，佢生病時都不能安在家中休養，要係烈日下1點多老遠跑出去，活動活動。希望更可以長有長做，你睇偉大的主席呀！就算係咁多住戶面前，同區議員民政事務處的人員及律師面前答應嘅事，最後都為著大眾日後嘅幸福，首先照顧自己，正所謂愛人先要愛己。才可再次開幾個內務會議。去議決海景花園一切事情，當然一切法律有關嘅就比咗律師啦！正所謂錢解決到嘅問題就唔係問題，可況我地有千幾萬。
諗一諗又要再次誠意感謝我地嘅偉大主席，上次請咗幾位保安要七千幾，雖然法團錢，同呀主席無關，但係D啲係呀公嘅，所以唔想再請，同時為大眾福利將海景升呢！所以先去黃金海岸開會咋！真係要多得主席唔小架！
你班友仔業主個個禮拜自己為乜要開個會，我地偉大嘅主席就係唔想大家咁辛苦，所以先唔嚟同唔認可大家所選嘅，你班儍仔後生又唔知，我地主席有一班身家有反咁上下，又練過嘢，屋苑就算山泥傾瀉，地下主莊有列痕，外牆紙皮石非落街都冇問題，只要有佢地支持我地偉大嘅主席，我地就可打倒D牛鬼蛇神，唔驚百幾戶支持我地主席，最多就咪賣樓支持屋苑。
如果地下斜坡有問題都唔關業主事，我地住咁高，睇唔到嘅！大家行過只要低頭就睇唔到，聽唔到啦，樓舊就自然殘，你班後生年D常職都無，你話我地偉大的主席又點可以認同你地，正所謂只要起電梯，屋苑地下有乜都自動轉灣避開啦，我地有千幾萬架，有乜唔得，連通帳都頂得，要出又加咗嘅最低工資粉嘅糧都唔怕，我地英明嘅業主又懂得開源，你地住咁多年，做咁多年人，又東又西，幾時有人貼錢同你打工，嗱！教你啦，D啲唔係叫wun笨，D啲叫引蛇入洞。
偉大嘅主席及4位包括左手委員、右手委員和左腳委員、右腳委員，感謝你地嘅付出，係你英明領導之下，我地可以用住係美麗、富裕、有有泳池、又有咁多有經驗嘅領導先軀嘅帶領下成長，真係有如致真北方最偉大之國「朝鮮（北韓）一樣」
有幸比來自北方之鳯凰，係香港姓李真係唔同D
偉大嘅主席下次你又急急開內務會議可唔可以去山頂天比高呀！或者九龍半島酒店high tea，我跟！神聖嘅白頭山會帶幸福給你㗎
回覆刪除