大維修睇真D (2)

有關渠務工程, 我相信, 好多街坊都同我一樣, 知道屋苑係大維修, 換了入水喉及污水喉, 食水喉係樓梯位, 但污水渠係牆身。

大家唔該由自己個窗口望出去, 睇下條渠先。

係BQ12, 6.1,

"拆除及清走現有糞渠及渠水渠連所有橫枝, 轉曲, 三叉及喉碼等配件, 喉碼腳需完全清除並以英坭沙填縫料 (EMix Non-Shink GROUP GP)將原有牆孔完全填滿。"

係BQ13的聲明中, 第6點寫明,

"承建商需採英坭沙填縫料 (E-Mix Non-shrink Grout (應作p) GP)將遺下所有孔洞填及批盪至平滑"

第7點寫明,

"若拆除舊渠碼時, 必須徹底除走, 不能遺留部份在牆身之內, 之後以英坭沙填縫料 (E-Mix Non-shrink Grout (應作p) GP)將遺下所有孔洞填及批盪至平滑"

結果??

 

按6.1的項目內容, 值幾多?? HKD576,000.00!!!

有無留意, 無拆到的渠碼, 多數係啡色的?? 锈水沿著呢D孔洞, 係會破壞牆身鋼筋結構, 漏水, 發脹, 唔該, , 你地認為法團做得好, 第日唔好一把眼淚一把鼻涕又要大家幫你維修外牆呀。

 

 

至於BQ14 [特定施工規格] 第2點,

"承建商需採用英坭沙填縫料 (E-Mix Non-shrink Grout( 應作p) GP) 將遺下所有孔洞填塞及批盪至平滑。所有已鑿穿牆身, 雨簷或地台, 均需恢復原狀。(若有需要)所有天面地台橫身喉管加建石矢基台作承托。"

鬍鬚仔唔知乜叫做需要定唔需要, 幾拾戶大糞由天台直壓到底, 衝力有幾大我唔知, 加上係個轉彎位, 急衝直下渠食唔食到力而爆, 鬍鬚仔唔知。當然, 顧問公司認為無需要, 法團又認為無需要, 低層用戶又話無需要, 咁我只好奉勸大家認住條渠位, 睇下幾時中頭獎LOR。

精彩?? 未算.... 待續.