大維修睇真D (1)

感謝熱心街坊的支持, 鬍鬚仔係二零一二年十一月十五日, 終於一窺有關承建商與海景花園所簽的合約。

海景花園大維修承建商招標內容

各位街坊好奇怪, 見到法團不斷咁係各位面前話承建商做得差, 不斷咁去同承建商拳來腳往,
咦, 顧問公司係呢件事有乜角色呢??
法團係聘請顧問公司來監察出標, 幫法團監察進度, 代法團去向承建商施壓, 所以, 法團認為工程有乜唔妥, 係咪應該按合約去同顧問公司詐型??

法團點解下下都放過顧問公司?? 自己去獨攬 "監察"呢個角色..... 有事, 只懂將矛頭指向承建商, 因為, 對顧問公司無晒符。

咁咪自己去同承建商砌LOR。業主想問佢拿文件, 佢唔俾, 咁即係佢自己管到啦。

鬍鬚仔又不妨帶大家一齊去睇下, 我地個大維修做成點。

有好多之前法團有跟進, 鬍鬚仔只係針對合約內訂明的條款, 睇下施工結果如何??

右下角BQ7第3.2條, "鬆散的石矢及有脫落危險的石矢鑿除及清走, .... 工序按 '施工規格'標準"。

而施工規格, 則載於BQ8, 3.3項,

"參考核准圖則及按照工程顧問所指定的工作範圍/規格/配件/及指定物料等, 於大廈外牆完成結構修繕工序後, 以近似原來的紙皮石進行執補。"

"執補範圍必須成正方形或長方形, 避免出現不規則圖形。"

以上呢D相, 鬍鬚仔就成日見到..... 唔知各位街坊平日行過屋苑, 有無見到??

呢D, 法團有無出過信俾顧問公司, 要求承建商去跟進?? 如果無, 顧問公司對工程表示 "滿意", 你過後去嘈?? 呢D, 叫做監察?? 做得好???

至於有無如合約要求, 以敲擊測試或拉力測驗..... 我就唔覺有了, 但我唔敢亂講, 陣間法團又話我誹謗又用你地錢出律師信俾我了。

咁少?? 未完架....