大維修睇真D (4)

先讓大家溫顧知新。

法團的嚴正聲明.....

信中, 法團話好緊張路面的破爛情況, 咦, 我地大維修, 乜唔係整咗架咩??

係BQ16 第9.1條,

"將1,2,3,4及5座平台路面地方所有鬆散的石矢及有鬆脫的石矢鑿除及清走, 包括如需修補鋼筋及清除鋼筋鐵锈, 工序按 "施工規格" 標準, 剷除鐵锈, 髹上防锈primer 防止氧化。若鋼筋出現嚴重锈蝕, 需加回新鋼筋固定其位置, 回復原來設計負荷功能, 以E-Mix Patchbond-25 ( or 40 for structural) 合成沙漿進行回泥工序及以E-Mix Easi Render 修補地台範圍。"

係BQ18, [特定施工規格9-2] 路面翻新工程(9.3項) 新造expansion joint如下:
"所有工序需按生產商指引。以上報價已包括路段相隔約5米需新造expansion joint及唧膠 (材料採用Sikaflex 15-LM)。並按照核准圖則Approved BD plan保留足夠水連泥水收口工序做妥(make-good)至滿意程度。

呢一堆防止路面滲水的工程, 法團好緊張又要保障各業戶利益, 又為大維修把最後一關, 結果變成點?? 嘩..... 咁大工程?? 又話海景如土瓜灣塌樓?? 結果只係一條蚯蚓?? 乜來架??

工程包括的防漏, 你唔理, 人地做條蚯蚓你收貨....

停車場繼續滴水, 法團就叻到話係平台的水喉引致, 結果又要瑣埋平台水喉.... 我想問法團, 如果落雨點算??? 係咪出律師信俾上帝就可以解決???

六, 七, 八座, 你花了四十五萬去舖平台磚, 而家一, 二, 三, 四, 五座, 地面滲水落停車場, 你用了幾萬銀整條蚯蚓就收貨?? 一至四座, 做了幾多次伸縮縫工程?? 總共用咗幾多錢??

法團封 "嚴正聲明"話, 海景隨時如土瓜灣塌樓, 咁而家, 我返屋企駛唔駛驚?? 呢D蚯蚓就可保我平安?????