以5﹪要求撤換主席

於2013年1月26日業主大會後， 我地已經開始聯署， 就以下事項要求召開業主大會。

1.       議決撤換李淑玲女士作為海景花園業主立案法團管理委員會主席；

2.       議決撤換李淑玲女士作為海景花園業主立案法團管理委員會委員；

3.       如議程2獲得通過，議決委任一名業主以填補海景花園業主立案法團管理委員會委員的空缺；

4.        如議程1獲得通過，議決委任海景花園業主立案法團管理委員會主席。

明白連續幾個月要開業主大會絕對會對各業戶做成不便。既要預留時間投票， 亦可能會對開會場地的業主做成滋擾。

但請大家能體諒， 我地都係希望用最公平的方式來反映海景花園業戶的決定。

暫時統計， 所簽署的業戶數目已超過法定要求， 所以， 星期一， 即2013年1月28日， 鬍鬚仔會將聯署信交俾管理處代交法團主席， 同時， 會將要求召開業主大會的文件副本， 交民政事務署。

鬍鬚仔真心希望各位， 今次只係睇下有無更適合的人選去出任法團主席， 我地大家要以事論事， 我地唔好， 亦唔需要去對任何人做人身攻擊。畢竟， 無論做唔做主席， 大家都係街坊， 過去幾年的屋苑分化， 已經令到大家好厭倦。今次， 我地要改變的， 唔係邊個做主席， 

而係，要改變海景花園的管理風氣。