業戶的選擇，新昌繼續為我地服務

有好多已經授權俾鬍鬚仔的街坊打來， 話想知投票結果。係鬍鬚仔疏忽， 漏了將結果公布。

投票結果， 以三分之二的票數， 業主投票決定推翻法團於12月5日的管委會議決， 讓新昌管理公司繼續服務本屋苑直至合約期滿。

鬍鬚仔滿意的， 唔係投票結果， 誠如我之前講， 投票只係一種以全民意向來取得結果的手法， 鬍鬚仔滿意的， 係多咗好多新業主／平時太忙無時間理屋苑事務的業主， 都開始關注屋苑的權益， 有你地的關注同參與，我地海景先可以有條件去逐步改善我地的環垃同設施。

感謝你，無論你係投支持定反對， 起碼， 出席表態已經係好重要的第一步。