鬍鬚仔的兩難

好多新搬入來海景的業主, 對於戶外電梯係完全唔明白乜嘢一回事.

約莫係兩年前, 法團問大家, "我地起步戶外電梯, 好唔好", 結果, 業主大會上, 大家投票贊成.

但係, 起部乜電梯, 乜嘢式樣, 玻璃定石屎, 乜嘢牌子, 邊個位置,

我地業主, 全部無得參與, "法團說了算".

大家有辦你睇, 無論你係問佢, 出信俾佢, 法團一路唔瞅唔睬,

當佢唔能夠回應你, 佢就抹黑你.

2013年2月28日, 早上09:30開始,  法團會見四間已經入標的承辦商, 法團乜資料都無俾我地業主. (你地有無見過任何通告?? 分析表??), 我地可以列席, 由佢地介紹自己同工程進度, 總共有20分鐘時間.

法團而家係咪做寶藥黨?? 大拿拿幾百萬, (記住, 唔駛夾錢, 唔代表真係唔駛錢, 都係用緊我地的錢), 而家起舊乜出來, 大家係咪唔理三七廿一就支持起??

當中有無古怪???

***************************************************************

1.疑點一 :

當日, 要選顧問公司(國浩), 只係法團幾丁友仔揀出來, 價錢又唔係最平, 履歷欠奉,  連之前做過呢類工程未, 工程完工效果, 完全無調查, 甚至出信去問下佢地的顧客有關國浩的工作表現 (呢個, 出邊的法團經常都係咁做), 完全無做過.

甚至, 有無去過人地公司調查過, 員工幾多? 規模幾大?? 乜都欠奉.

係2011年8月4日的第9屆管理委員會會議記錄,

第1.2,

經管理委員會各委員商議後, (商議內容呢?? SORRY, 無)表決結果如下 :

由秘書郭美儀女士動議, 委員劉穎妍女士和記及由其他出席委員一致贊成及議決通過首選承辦商為"郭浩建築事務所有限公司".

幾咁簡單!!!!!

2. 疑點二 :

之前的管理委員會, 都曾經就戶外電梯請我地大維修的顧問公司畫圖. 費用?? 三萬.
而家呢間郭浩, 顧問費用為48萬. 無錯, 係十六倍之嘛.

3. 疑點三 :

顧問公司合約係包晒所有畫圖及向政府部門申請的費用, 但呢間郭浩公司, 話為咗要向屋宇署申請順利, "建議"我地俾錢佢去做一個勘探報告, 法團要求"郭浩"提出屋宇署的書面要求, SORRY, 無.

係無文件, 無原因的情況下, 我地法團好順攤咁又奉上十萬大元. (鬍鬚仔曾經出信向法團提問, 結果, 法團用律師信貼係大堂俾大家睇, 但完全無答過呢個"斬件式"審批的問題.

4. 疑點四,

我地5%的業主, 係一月底要求撤換主席李淑玲女士, 何解, 主席女士死堅持一定要先簽咗戶外電梯的合約先肯落台?? 甚至, 不惜唔理我地要求撤換佢的要求, 一意孤行去咁做??

要明白, 我地法團所簽的合同, 無論修件係幾辣, 幾唔合理, 只要簽咗我地就唔可以推翻. 鬍鬚仔同一班街坊就戶外電梯的標書等提出好多問題, 法團及顧問公司未曾回答過.

呢度, 我想請大家去諗幾個問題,

電梯要做, 但係咪要俾李淑玲指定的公司做??

電梯要做, 但係咪應該先解釋好同處理好一些工程上的疑問先去做??

電梯係要做, 但係都同大家解釋下做D乜, 點做, 或者俾大家去揀下, 觀光玻璃電梯?? 定係而家的神主牌石屎電梯?? (唔太關我事, 我住三座, 六七座慘D之嘛)

電梯係要做, 但如果有意外, 係拯救住戶, 玻璃電梯還是石屎電梯會方便些??

而家, 你地有得揀咩??

學法團當日係管委會講, "我有權, 吹咩~!!!!"