開始講戶外電梯

主席成日上樓週圍唱話鬍鬚仔夾埋人地想搶部電梯來做。鬍鬚仔又唔係呢行， 何德何能？？ 鬍鬚仔只係以一個業主的心態， 為街坊服務， 好多人唔知部電梯係乜傢伙， 有乜要注意，
否則部電梯又好似大維修咁， 錢花了結果又係做到PAT屎咁。

大家講咗咁耐， 到底部電梯係點款的？？

影出來個模型係樣衰咗少少， 大家多多見諒， 但可以同大家解釋下。

呢個模型係按照郭浩的圖來做， 佢點畫， 我地點整，我只係將個圖變成模型等大家多D瞭解。

下方有塊啡色紙皮， 就係我地青山公路門口的地面， 下面會有三個類似樁的物體（FOOTERS）。

地面當然係電梯門， 電梯門上下都係同一個方向， 即係， 你係「面向住後閘」來乘搭電梯。

電梯門上邊係一條救生鐵梯， 即係， 部電梯有乜事， 就將部電梯拉去到呢個逃生門， 然後由逃生鐵頭走向地下。

原圖係用石屎來興建個電梯井道， 即係好似人地起天橋躉的灰色石屎。

部電梯的平台開口位， 係處於七座同八座中間， 高過而家的花卉圍牆， 由於花卉圍牆距離地面有一定的高度， 所以， 開門之後， 係由花卉圍牆有一條「L」型的鐵斜台， 由七座向八座方向伸展。

圖一

圖二

圖三

(個斜台的斜度同設計會有差異， 因為，我地只係砌個大概俾大家睇， 唔合比例的）

而梯係用鐵掌連接地面（圖二）， 而鐵柱之間亦係用鐵枝交叉來連接借力。


至於係圖三， 你見到有一舊白色發泡膠， 就係連接鐵梯同同地面的石屎躉。

有人不斷講， 鬍鬚仔同街坊一直想推翻部戶外電梯， 如果係， 就唔駛連模型都做埋， 反而主席係一舊飯咁， 睇住幅圖得個窿。

大家有個印象之後， 我會係之後幾篇網誌講下關於個戶外電梯。

或者， 你地見到主席， 問下佢有乜高見？？（睇下鬍鬚仔講的， 有無道理？？ 擔心係咪多餘？？）