Build and Design (建造及設計）

以上所講的合法搵食橋段， 有無破解？？

有！！！

對呢類型新建造的工程， 莫講話我地， 連政府每年都俾工程界班狐狸每年呃足幾億。

對應方法， 就係， 將個標變成 "Build and Design"。

***********************************************************************

Build and Design, 同我地法團而家的做法完全調番轉。

我地一開頭， 應該係先出標俾所有「承建商」， 話我地而家想做部電梯， 佢地可以先提供方案， 例如玻璃觀光電梯？？ 定係石屎清水板電梯等。。。甚至係邊個牌子的電梯大家鍾意， 取得呢D資料後， 「由承建商自己畫圖及向政府部門申請」。

咁就避免VO， 因為， 佢「包」得成個工程， 佢自己畫圖有乜問題， 計漏咗， 睇漏咗， 甚至最後起唔成， 佢地完成唔到合約， 唔止收唔到錢， 仲要賠償俾我地。

佢開唔到工， 唔能夠如期交貨， 政府部門申請唔到等等， 風險全部都係承辦商度。

嘩， 由頭到尾佢包辦， 我地點知有無古惑？？

啱， 所以， 法團亦都要聘請顧問公司， 就住承辦商提出的方案或者施工程序， 進行研究及監察。（成個程序係調返轉， 本身因為我地唔係專業人士， 所以， 我地要聘請顧問來提供專業意見。），作為一個AP， （Authorized Person ), 佢會就承建商提供的圖則， 施工方法及程序， 代替我地法團及業主向承辦商提出質詢及確認。

咁就避免畫圖嗰個同做工程嗰個口同鼻拗， 你推我， 我推你， 結果付鈔係我地業主。而且基本上亦唔需要有VO， 因為Build and Design, 有乜工程上的問題， 唔該你承辦商諗辦法， 得到顧問公司的同意， 去改同去做。斗零都唔關我地事。

之後， 成單工程都係由承擔商負責， 只要合同寫得緊，漏水， 沉降， 結構， 電力裝置等等， 單一去搵佢就得。你要係個圖則度裝彈弓， 埋炸彈， 你都係自作自受。一毫子你都無得呃。

而家？？ God Bless Seaview!!!!!