雖然亞媽係女人， 大家都知， 但且容鬍鬚仔不厭其煩咁去講下。
屋苑管理人好多時都要去做維修， 有時係小工程，有時係大工程。
去到小工程好簡單， 管理人會招標， 貨比幾家， 直接搵個承建商去做。
有時一些大工程， 牽涉法例， 工程專業。。。。
大家都唔係工程專科， 我地會搵一個“顧問公司”來做授權人。
咁呢個授權人做乜的呢？？
1. 佢會就住業戶的要求，或者意見， 瞭解到屋苑需要點樣的維修。
2. 佢用佢地的專業， 去設計工程的施工， 例如施工的方法， 準則， 時間，同時亦要向政府部門申請等等。
3. 佢會開出標書， 邀請承辦商跟據佢的要求， 同佢設計的施工方法， 來報價；
4. 而點解我地要請佢的最主要原因， 就係佢會為呢個工程負上責任； （如果唔駛負責， 搵鬍鬚仔去做就得啦， 衰咗咪拍拍個屁股講聲對唔住LOR）
規定佢的責任， 同寫清楚佢的報酬，就係顧問合同；
5. 顧問因應佢自己對工程的設計， 開出標書， 搵到承辦商來幫佢地去做， 當中， 要監督承辦商有無按施工程序同規格去做。
6. 當承辦商話完工， 顧問亦要負責去驗收，確保一定無問題， 就通知法團俾錢， 完成工程。
簡單來講， 好似我地去藥房， 買藥我地會搵個執業藥劑師， 佢話得， 我信佢得， 有事就搵佢負責。（萬寧廣告一向都係咁標榜架啦）
維修係咁， 做戶外電梯都係咁。（其實， 我認為做電梯唔應該用呢個方法。之後我會再同大家講）。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
一份合約寫得好唔好， 最關鍵， 係個責任，同埋細節清唔清楚。你同我都想整部電梯，我要求起一部耐用， 安全的電梯， 老人家唔係成日話， 小心駛得萬年船的嗎？
一個唔駛識工程的邏輯問題 ：
1. 如果工序設計有問題， 顧問公司有無責任？？
2. 如果顧問公司係監管上出問題， 顧問公司有乜責任？？
3. 如何防止顧問公司串同承辦商， 胡混過關，收錢關仁？？
4. 甚至， 圖你可以畫到天花龍鳳， 玩到上天落地都得。但做唔做到先？ 做唔到而要修改， 包括改圖或者改施工， 係邊個責任先？？我地個工程會番洗濕個頭而變成無底深淵先？？
呢類問題， 白紙黑字寫低， 保障番我地住戶，大家認為應唔應該？？ （旨意個法團？？ 一月八日寫好個大維修報告， 佢收埋去到二月四日開會先同意俾馬海顧問， 我真係想知佢係咪幫顧問公司打工， 驚死俾老細鬧咁款。）
唓， 鬍鬚仔， 人地顧問公司專業架嘛， 點會呃我地？？
哈哈， 莫講話我地業主乜都唔識， 政府入邊有咁多專業人士可以對口都攪成咁。
荃灣億元天橋， 未啟用現裂紋
會唔會俾人「千」到， 好睇份合約。
如果乜都唔關佢事， 攪工程有幾難？？
各位政府龐大團隊、中環填海、昂船洲大橋嚴重超支
回覆刪除