選管理公司

相信大家都收到法團今日入俾大家的

海景花園管理服務合約招標結果分析

好多街坊問我， 睇唔明， 希望鬍鬚仔解釋一下。

1。包薪制， 即係， 管理公司包我地人手， 每月向我地申請薪金同酬金。例如A公司包我地有36人， 咁我地就每個月俾咁多錢。如果人手少咗， 佢要負責補足人手。

2。實報實銷， 即係，佢請幾多人我地俾幾多人工。話之你有無人返工， 管理公司都硬掘我地經理人酬金。

（當中， 有一間公司的酬金特別貴， 相信係之前填錯， 本來應該要向該公司問清楚， 但當我地去管理處問的時候， 得到的回覆， 係主席話唔好問， 直接填寫係度。）

我地海景花園一向都係用包薪制， 如果維持不變， 我地就照睇三間招標公司的包薪制價格及人手編制便可。

每間人手唔同， 價錢唔同， 到底點揀呢？？ 鬍鬚仔就將而家我地用緊的管理公司新昌的價格， 同呢三間比較一下。由於法團無俾到管理合約我睇， 我並唔知新昌之前簽的價錢有無分級制（TIER）， 即係第二年幾多， 第三年幾多。

我就用最近新昌提交要求於五月一日加薪的建議書來做比較。入邊有齊價錢同人手數目。

新昌加薪建議書

將呢個數據加入三間招標的管理公司， 我做咗一個比較。就以各公司最平的一年， 即第一年來做比較。（注意， 新昌的數據已經係符合五月一日最低工資的新價格）


新昌及另外三間招標公司的比較表



以上的連結， 建議各位全部打印出來做比較。

唓， 新昌自己都唔撈， 關我地乜事？ 幾平都無用啦。。。
如果你咁諗，  請睇下一個網誌。